جب ایک راجہ کو رانی اداس کرتی ہے

 جب ایک راجہ کو رانی اُداس کرتی ہے

پھر اس کے بعد کہانی اداس کرتی ہے

کبھی کسی کا بچھڑنا بہت رُلاتا یے

کبھی کسی کی نشانی اداس کرتی ہے

یہ پیڑ خالی مکانوں کا دُکھ سمجھتے ہیں

انہیں بھی نقل مکانی اداس کرتی ہے

کہیں کہیں پہ غزل مسکرا کے ملتی ہے

کہیں کہیں پہ معانی اداس کرتی ہے

کسی کسی پہ ہی کھلتا ہے بھید منظر کا

کسی کسی کو کہانی اداس کرتی ہے

اسے ہمارے رویۓ پہ اعتراض نہیں

اسے ہماری روانی اداس کرتی ہے

کوئی کوئی تو تجھے دیکھتا ہے جیتا ہے

کسی کو تیری جوانی اداس کرتی ہے

سو اب تو اپنی سنا تیرے ساتھ کیا ہوا تھا

مِری کہانی تو جانی اداس کرتی ہے

عباس مرزا