گُلابی شام میں رنگوں کی کہکشاں بن کر
نظر اُٹھی مِرے جذبوں کی ترجماں بن کر
وہ سحر تھا کہ کوئی سازاس کی قربت کا
کہ نغمہ خواں ہوئی دھڑکن بھی داستاں بن کر
میں اس میں رُوئے بہاراں تلاشتی ہی رہی
جو صحنِ دل کو بھسم کر گیا خزاں بن کر
میں جس شجر سے بھی رنگِ حیات پانے گئی
شکارِ برقِ پتاں ہو گیا دُھواں بن کر
شدید چاہ ہے سائے میں اپنے بیٹھ رہوں
پر اگلے پل یہ ملے گا عذابِ جاں بن کر
یہ بندشوں کے نگر میں سخن دری کا جنوں
ہیں گُفتگو میں تخیل مِری زباں بن کر
عابدہ تقی
No comments:
Post a Comment