آنکھوں میں جو دیا تھا بجھایا نہ جا سکا

 آنکھوں میں جو دِیا تھا بجھایا نہ جا سکا

تیری گلی سے لوٹ کے آیا نہ جا سکا

دل سے تِرا خیال مٹایا نہ جا سکا

جو فرضِ عین تھا وہ نبھایا نہ جا سکا

ان سے بھی ہو سکی نہ نظر التفات کی

ہم سے بھی دل کا حال سنایا نہ جا سکا

معمور درد سے جو ہُوا مُشت بھر یہ دل

پھر کائنات میں بھی سمایا نہ جا سکا

باقی کمال ہیچ تھے اس کی نگاہ میں

اور ہم سے چاند توڑ کے لایا نہ جا سکا

عاطف کا رنگ دیکھتے میدانِ عشق میں

تھا ایسا شہ سوار، گِرایا نہ جاسکا

عاطف ملک

عین میم