نسیم ہوتی ہوئی آئی ہے مدینے سے

عارفانہ کلام نعتیہ کلام

 نسیم ہوتی ہوئی آئی ہے مدینے سے

چمک رہے ہیں گل روح پر نگینے سے

ابھر رہی ہے سقوطِ حرا سے اک آواز

اتر رہی ہے سحر قصرِ شب کے زینے سے

تیری نگاہ تو ہو مری روح پر اک دن

نظر تو آتے ہیں جنگل میں کچھ دفینے سے

کسی سبب سے ہی خورشید لوٹ کر آیا

تو حکمِ خاص تھا اور خاص بھی قرینے سے

مِرے ستارے کو طیبہ سے کچھ اشارہ ہوا

سو بادباں سے غرض ہے نہ اب سیفنے سے

سنا ہے جب سے شفاعت کو آپؐ آئیں گے

کہ جیسے بوجھ سا اک ہٹ گیا ہے سینے سے

مدینہ ہے تو نجف بھی ہے، کربلا بھی ہے

تمام لعل و گہر ہیں اسی خزینے سے

پروین شاکر