فیصلہ ہی غلط کیا میں نے
خود تِرا ہجر چن لیا میں نے
کوئی شکوہ گِلہ کیا میں نے
جو دیا تُو نے رکھ لیا میں نے
جب بھی یاد آئے درد کے پنچھی
اک پرندہ 🕊 رہا کیا میں نے
کس قدر دیکھ جذب ہوں تجھ میں
تُو نے سوچا تو سن لیا میں نے
پھر ادھیڑوں گی درد کے سوئیٹر
خواب ہی ایسا بُن لیا میں نے
چشمِ بینا پہ ہے اثر تِرا
عکس آنکھوں میں بھر لیا میں نے
اب تسلی سے بات کرتے ہیں
خواہشوں کو سُلا دیا میں نے
اب نہ تیری سنوں گی میں تارا
تیرا اب تک کہا کِیا میں نے
تارا اقبال
No comments:
Post a Comment