طرفداران شب کب تک علمداران شب کب تک

 طرفدارانِ شب کب تک علمدارانِ شب کب تک

سحر تقدیرِ انساں ہے تو پھر یارانِ شب کب تک

اجالے کا لہو سورج پہ چھاپے صبح پر یورش

نگہِ دارانِ شب کب تک سپہِ دارانِ شب کب تک

ابھی تو خیر انساں کا لہو ایک جنسِ ارزاں ہے

مگر یہ گرم بازارِئ خریدارانِ شب کب تک

تم ہی کہہ دو کہ سورج کا اُبھرنا كس نے روکا ہے

نہ ٹوٹے گا طلسمِ شب گرفتارانِ شب کب تک

سبھی قبریں مکمل ہیں ہماری بھی تمہاری بھی

تو پھر ہم اور تم اے بستہ بردارانِ شب کب تک

وہ دیوانہ تھا، وہ تو اپنے سر کا بوجھ اتار آیا

میں دیوانہ نہیں تاہم نمک خوارانِ شب کب تک

تمہیں جانا ہی جانا ہے،۔ ہمیں آنا ہی آنا ہے

تو پھر شبخوں پر شبخون سالارانِ شب کب تک

طلوعِ صبحِ محشر کوئی دم کی بات ہے خالد

نہ جاگیں گے گراں خوابی سے مُردارانِ شب کب تک

خالد علیگ

گفتگو عوام سے ہے