آئینے میں پس منظر کا ابھرنا کیسا
جھیل جیسی تِری آنکھوں میں یہ جھرنا کیسا
عمر بھر ساتھ رہو تو کہیں مہکے آنگن
کسی خوشبو کی طرح چھو کے گزرنا کیسا
وہ تو اک خواہش ناکام تھی جو چیخ پڑی
بے سبب اپنی ہی آواز سے ڈرنا کیسا
گرد شیشوں سے ہٹاؤ تو کوئی بات بنے
اندھے آئینوں کے آگے یہ سنورنا کیسا
پھینک دو بارِ الم کچھ تو سفر آساں ہو
بوجھ لادے ہوئے دنیا سے گزرنا کیسا
اے مِرے شورِ نفس بارِ سماعت سے گریز
نیند کے وقت صداؤں کا ابھرنا کیسا
گوشِ امید ہوئے جبکہ صداؤں کے اسیر
فتح پھر کوہِ ندا کا ضیا کرنا کیسا
ضیا فاروقی
No comments:
Post a Comment