یہ جو رنگ ہیں یہ جو روشنی

 یہ جو رنگ ہیں یہ جو روشنی

یہ جو خواب ہیں یہ جو زندگی

یہ جو حسن ہے یہ جو دلکشی

یہ جو روپ ہے یہ جو تازگی

مِرے دشت و در پہ صدی صدی

یہ عطا ہے رہبرِ عشق کی

وہ پیمبرِ امن و آ شتی

جسے یاد رکھے گی ہر صدی

تھی خودی و دانش و آ گہی

رگ و پے میں جس کے بھری ہوئی

اسی مردِ شعلہ نفس نے دی

شبِ بے چراغ کو روشنی

مِرے راہبر جانِ رہبری

تِری ذات عظمت نشان تھی

تِرا طور و طرزِ حق آ گہی

وہ نشانِ راہ ہے آج بھی

رہے تا ابد ہے دعا مِری

یہ چراغ خیمہ یہ روشنی

پروین حیدر