انجان سفر
اندھیری رات کے مسافر
ذرا دم تو لو
زمین سنگلاخ
سفر تنہا
صدا بہ صحرا
تیری پیش قدمی کو بے تاب
افکار کے تیر
تجھے اندھیرے میں جگنوؤں کی تلاش
پھر امید کا اک نیا فریب
ہمت و حوصلہ کی سرکتی چادر
حالات کے کانٹوں میں پھنسی
ایسی کہ نکل بھی نہ سکی
منزل کی تلاش میں تنہا مسافر
ذرا دم تو لو
اندھیری رات کے مسافر
ذرا دم تو لو
خود فریبی کی شمع تھامے
ان نا ہموار راہوں پر
لے گیا خواب مجھے
سیاہ راتوں میں جلتے بجھتے
چراغوں کے ساتھ
منزل کی تلاش میں سرگرداں
تنہا مسافر
ذرا دم تو لو
اندھیری رات کے مسافر
ذرا دم تو لو
ڈآکٹر مسعودہ امام
No comments:
Post a Comment