عارفانہ کلام منقبت سلام مرثیہ بر امام
قائم رہے سروں پہ رِدائے غمِ حسینؑ
مولا نہ کوئی غم دے سوائے غمِ حسین
کچھ کہہ رہی ہے شامِ غریباں کی خامشی
رہ رہ کے آ رہی ہے صدائے غمِ حسین
اس آنکھ کو تو آنکھ نہیں، بے حسی کہو
جس آنکھ کو لہو نہ رُلائے غمِ حسین
رو رو کے چاہے آنکھوں کی بینائی کھو بھی جائے
پھر بھی عطا ہوں آنسو برائے غمِ حسین
اس کیفیت میں ردِ بلا کا ہے معجزہ
دنیا کے سب غموں سے بچائے غمِ حسین
رحمان فارس
No comments:
Post a Comment