عارفانہ کلام حمد نعت منقبت
اللہ کی عطا ہے محبت رسولﷺ کی
ورثۂ انبیاء ہے فضیلت رسولﷺ کی
دیتا رہا جو جان کے دشمن کو بھی دعا
درکار پھر ہے آج وہ سیرت رسولﷺ کی
عشقِ رسولﷺ عشقِ خدا کا ہے آئینہ
دیکھا خدا کو دیکھ لی صورت رسولﷺ کی
انکار اہل بیتِ نبوت سے الاماں
دعوت یہ کارِ شر ہے عداوت رسولﷺ کی
یاسین کا وجود محمدﷺ کا ہے وجود
تطہیر کا مزاج طہارت رسولﷺ کی
خوشبو نبیِ پاک کی ہر لفظ لفظ میں
قرآن کر رہا ہے تلاوت رسولﷺ کی
اپنے عمل کو زینتِ کردار کرنا ہے
گر چاہتے ہو تم بھی شفاعت رسولﷺ کی
کس سے بیاں ہوں رحمتِ کُل کی فضیلتیں
قرآں کا حرف حرف فضیلت رسولﷺ کی
مدحت رسولِ پاکؐ کی لکھنے کا یہ شرف
تم پر نسیم! خاص عنایت رسولﷺ کی
نگہت نسیم
No comments:
Post a Comment