محبت کو مری افسانہ سمجھے

 محبت کو مِری افسانہ سمجھے 

کوئی پاگل کوئی دیوانہ سمجھے

فراق و ہجر میں جو جلتی ہے شمع

وہ سوزِ دل و جاں پروانہ سمجھے

کسی تدبیر سے میں رد ہوا ہوں

جسے اپنا کہوں بیگانہ سمجھے

مِرا جو دوست رازق بن رہا ہے 

مِری قسمت کا آب و دانہ سمجھے

کہاں تشنہ لبی وہ ڈھونڈتا ہے 

نگاہوں سے مِری پیمانہ سمجھے

ابھی جاں بھی لٹائیں گے انہی پر

ابھی دل کو مِرے نذرانہ سمجھے

یہ دنیا تو بڑی دانا ہے پاگل

کیوں یہ حرکتیں بچگانہ سمجھے

عداوت پر اتر آئے کبھی دوست

اسے دشمن نہیں، یارانہ سمجھے

کبھی بھی شکوۂ ساقی نہیں کیا

جہاں بھی مل گئی میخانہ سمجھے

تِرے جو غیر کی خاطر گرے اشک

انہیں بھی گوہرِ یک دانہ سمجھے

کبھی جو فرطِ غم سے رو دئیے تو

در و دیوار بھی ہم شانہ سمجھے

صقر جو عشق سے خالی ہو وہ دل

دلِ بسمل نہیں ویرانہ سمجھے

زرک صقر