آوارگیٔ شوق
کیا بتاؤں تجھے
اک دن
میرا آوارہ سفر
جب تیرے شہر سے گذرا تو
تیری یادوں نے
اتنے ہچکولے دئیے مجھ کو
کہ
میں کانپ اٹھا
دھڑکنیں تیز تھیں
یا ٹرین ہی تھی تیز ترین
ایسا لگتا تھا
کہ پٹڑی سے اتر جائے گی
سانس چھوڑوں گا
تو پھر لوٹ نہیں پائے گی
کتنے ہچکولے دئیے مجھ کو
تیری یادوں نے
میری دھڑکن میں بسے
خانماں بربادوں نے
کیا بتاؤں میں تجھے
میری آوارگیٔ شوق کا عالم
مت پوچھ
عظیم ہاشمی
No comments:
Post a Comment