کافی ہے اک ہُو مجھ میں
کیوں آتا ہے تُو مجھ میں
صحرا سی ویرانی ہے
جنگل سی خوشبو مجھ میں
مجھ کو خود معلوم نہیں
کرچی کرچی آئینہ
بکھرا ہے ہر سو مجھ میں
جھلمل رنگوں کی تتلی
جگمگ اک جگنو مجھ میں
دور شجر کی شاخوں کے
پھیلے ہیں بازو مجھ میں
میری آنکھیں دیکھ ذرا
ڈھونڈ کوئی آنسو مجھ میں
جس نے میرا نام رکھا
اس کی ہے خُو بُو مجھ میں
کس کی کھوج میں پھرتا ہے
سانسوں کا آہو مجھ میں
بھر گئی اس کی ایک نگاہ
جادو کا جادو مجھ میں
کسی پپیہا کی پی پی
کوئل کی کُو کُو مجھ میں
واجد امیر
No comments:
Post a Comment