کسی گم گشتہ محبت کی نشانی کے لیے
شاخ پر پھول کھِلا یاد دہانی کے لیے
دل میں جو تھا وہ لکھا اس کے لیے کاغذ پر
بوسہ ہونٹوں پہ ہے پیغام زبانی کے لیے
عشق میں طے نہیں کرتے کوئی سودا لیکن
ریت ہی ریت بھری ہے مِرے مشکیزے میں
لب ِدریا نکل آیا تھا میں "پانی" کے لیے
مِرے ہاتھوں سے مجھے زہر پلایا اس نے
کیسا انجام چُنا میری "کہانی" کے لیے
خیمہ دوزی کا ہنر سیکھ رہا ہوں محسن
اس زمانے سے کہیں نقل مکانی کے لیے
محسن چنگیزی
No comments:
Post a Comment