اک اداسی
اک اداسی تِرے ہونٹوں پہ سسکتی لالی
اک اداسی تِری آنکھوں میں ہے قطرہ قطرہ
اک اداسی تِرے ابرو کے کٹاؤ کا حصار
اک اداسی تِرے ماتھے پہ شکستہ شکنیں
اک اداسی تِرے چہرے پہ پریشاں چہرہ
اک اداسی ہے تِرے جسم کی مٹی تری خاک
اک اداسی تِری سانسوں کے تسلسل میں عیاں
اک اداسی دلِ نادان کی دھڑکن میں رواں
اک اداسی تِری رگ رگ کے لہو میں پنہاں
اور
اک اداسی مِری سوچوں میں سلگتی ہوئی آگ
اک اداسی مِری آغوش میں سوئی ہوئی راکھ
زاہد شمسی
No comments:
Post a Comment