سینوں میں اگر ہوتی کچھ پیار کی گُنجائش
ہاتھوں میں نکلتی کیوں تلوار کی گنجائش
نفرت کی تعصّب کی یوں رکھی گئیں اینٹیں
پیدا ہوئی ذہنوں میں دِیوار کی گنجائش
پاکیزگی رُوحوں کی نِیلام ہوئی جب سے
جِسموں میں نکل آئی بازار کی گنجائش
اس طرح کُھلے دل سے اِقرار نہیں کرتے
رکھ لیجیۓ تھوڑی سی اِنکار کی گنجائش
سمجھیں کہ نہ سمجھیں وہ ہم نے تو اسد رکھ دی
اشعار کے ہونٹوں پر اِظہار کی گنجائش
اسد رضا
No comments:
Post a Comment