اتنا آساں تو نہیں ہے یہ بیان کربلا

عارفانہ کلام منقبت سلام مرثیہ

 داستانِ کربلا ہے داستانِ کربلا

اتنا آساں تو نہیں ہے یہ بیانِ کربلا

داستانِ کربلا ہے داستانِ کربلا

جس کو سننے کیلئے دل اور کلیجہ چاہیۓ

کیوں نہ سر کو پیٹ لیں پھر نوحہ خوانِ کربلا

ہوں علی اکبرؑ، محمدؑ، قاسمؑ و عباسؑ و عونؑ

لائقِ تحسین ہیں سب نوجوانِ کربلا

چُپ رہے کیوں دیکھ کر آلِ محمدؐ کا لہو

اے زمینِ کربلا، اے آسمانِ کربلا

اک طرف طاغوت ہے اور اک طرف مولا حسینؑ

آ گئی تقدیر کِن کو آزمانے کربلا

اِذن دیتے تو یہ پانی دوڑتا آتا فرح

صبر کی معراج پر تھے تشنگانِ کربلا

فرح شاہ