عارفانہ کلام منقبت مولا علی
مولائے کائنات ہے مولا علیؑ کا نام
آیاتِ بینات ہے مولا علی کا نام
اک اسمِ اعظم آپ کا یہ نامِ پاک ہے
تسخیرِ شش جہات ہے مولا علی کا نام
کعبہ میں ولادت ہوئی مسجد میں شہادت
منکر پہ کالی رات ہے مولا علی کا نام
دروازۂ شہرِ علم لدنی، علی کی ذات
یعنی ابوالسادات ہے مولا علی کا نام
محمود فیضِ علم درِ شہرِ علم سے
اک مصدرِ خیرات ہے مولا علی کا نام
محمود شاہ
No comments:
Post a Comment