ہماری روح کو چھو کر گزر گیا ہے ابھی

ہماری رُوح کو چھُو کر گُزر گیا ہے ابھی

وہ ایک لمحہ نہ جانے کدھر گیا ہے ابھی

کہ دور عشق میں اس کا بھی ایک جسم تو تھا

مجھے ہے شک وہ فضا میں بکھر گیا ہے ابھی

خزانے ڈھونڈتا ہے وہ اگر تو لے جائے

ہماری آنکھ سے ضائع گُہر گیا ہے ابھی

جبیں پہ لہریں تھیں بِھیتر بدن میں طُوفاں تھا

خدا کا شکر ہے دریا اُتر گیا ہے ابھی

تمام عمر دئیے میں نے وقت کو طعنے

ابھی سکون ہے تھوڑا سُدھر گیا ہے ابھی

دخلن بھوپالی

بھیتر: اندرونی، مخفی