گلہ نمو کا نہ دل میں خزاں کا غم رکھا

 گِلہ نمو کا نہ دل میں خزاں کا غم رکھا

میں جس کی شاخ ہوں اس پیڑ کا بھرم رکھا

وہ ایک غم ہی تو دل بستگی کا ساماں ہے

تمام عمر ہمیں جس نے تازہ دم رکھا

کچھ اس لیے بھی میں کرتا ہوں احترام اس کا

سر آسماں کو چُھو کر بھی اس نے خَم رکھا

مجهے خبر ہے کہ انمول ہے یہ جنس یہاں

اسی لیے نہ کبھی دل کا مول کم رکھا

تھا ایک بار عجب سر پہ بے امانی کا

جو ماں کے بعد عدیل اب کے گھر قدم رکھا

عدیل شاکر