عارفانہ کلام نعتیہ کلام
یا رب میری سوئی ہوئی تقدیر جگا دے
آنکھیں مجھے دی ہیں تو مدینہ بھی دکھا دے
سننے کی جو قوت مجھے بخشی ہے خداوند
پھر مسجدِ نبویﷺ کی اذانیں بھی سنا دے
حوروں کی نہ غلماں کی نہ جنت کی طلب ہے
مدفن مِرا سرکارﷺ کی بستی میں بنا دے
منہ حشر میں مجھ کو نہ چھپانا پڑے یا رب
مجھ کو تیرے محبوؐب کی کملی میں چھپا دے
مدت سے میں ان ہاتھوں سے کرتا ہوں دعائیں
ان ہاتھوں میں اب جالی سنہری وہ تھما دے
عشرت کو بھی اب خوشبوئے حسان عطا کر
جو لفظ کہے وہ اسے تُو نعتﷺ بنا دے
عشرت گودھروی
No comments:
Post a Comment