تھے تیرہ بخت ہی شمع وفا جلا کر بھی

 تھے تِیرہ بخت ہی شمعِ وفا جلا کر بھی

کہ تِشنہ لب ہی رہے ہم تو چشمہ پا کر بھی

زمانے! چھوڑ، تیری مُنصفی بھی دیکھ چُکا

کہ پائے غم سدا میں نے خوشی لُٹا کر بھی

نہ اپنے بخت کے گرداب سے نکل پایا

چلا ہوں لاش کو میں اپنی خود اُٹھا کر بھی

ہمارے ظرف سے نہ کھیل، اے غمِ دوراں

ملے گا تجھ کو سکون کیا ہمیں رُلا کر بھی

سمانا! شہرِ خموشاں ہے،۔ چُپ رہو للہ

سکون راس نہیں تم کو جاں سے جا کر بھی

شہزاد سمانا