محبت کیا ہے محبت ہماری زبان ہے

 محبت ہماری زبان ہے

محبت کیا ہے اس کو ہمیں سمجھتے ہیں

انگریزوں کو صرف مشینیں بنانا آتا ہے

فرانسیسی زبان میں ہے صرف اک لفظ

وہ پسند اور محبت کے لیے استعمال ہوتا ہے

اردو میں ہم ہر رنگ اور جذبے کی شدت کو بیان کرسکتے ہیں

پسند، انسیت، پیار، محبت، عشق جیسے الفاظ ہیں ہماری زبان میں

ان کا استعمال ہم بہت سوچ کے کرتے ہیں

ہماری زبان ہر گھڑی ہر قدم محبت کے گیت نہیں گاتی

اس جذبۂ اعلی کو بازار احساسات میں سستا نہیں کرتی

ہر موقع، ہر محل اور کشش و جذبے کے لحاظ سے لفظ کی آمد ہوتی ہے

ہماری تہذیب میں اس طرح الفاظ اور جذبات مل کر کام کرتے ہیں

اردو کے سہارے ہم مختلف رشتوں میں بندھ جاتے ہیں

مادی اختراعات میں چاہے ہم بہت پیچھے ہوں

جذبوں کی ڈور کو کب کا جیت چکے ہیں 

شہزاد رضوی