گیت
ہماری انتہائے شوق کیا ہے
ہمیں ہر راہگزر پہچان لے گی
ہمارے سامنے منزل نشاں ہے
نئی صبح ہمیں بھی جان لے گی
ہماری زندگی کیا ہے
شعورِ ذات کی خاطر بس ایک آزمائش ہے
ہماری لغزشیں ہم کو سکھاتی ہیں
نئی راہیں دکھاتی ہیں
ہماری انتہائےِ شوق کیا ہے
ہمیں ہر راہگزر پہچان لے گی
ہمارے سامنے منزل نشاں ہے
نئی صبح ہمیں بھی جان لے گی
ہماری آرزو کیا ہے کہ ہم اپنی رگِ جاں میں
وفا کے رنگ بھر دیں
ہماری آگہی ہم کو بناتی ہے
نئی شمعیں جلاتی ہے
ہماری انتہائےِ شوق کیا ہے
ہمیں ہر راہگزر پہچان لے گی
ہمارے سامنے منزل نشاں ہے
نئی صبح ہمیں بھی جان لے گی
ارادوں کی زمین پر
کاوشوں کے پھول کھلتے ہیں
کوئی آندھی کوئی طوفاں
کبھی راستہ نہ روکیں
ہمیں پورا یقیں ہے جب
ہمارے دل سے ہر دم
ایک ہی آواز آتی ہے
اللہ، اللہ، اللہ
ہماری انتہائےِ شوق کیا ہے
ہمیں ہر راہگزر پہچان لے گی
ہمارے سامنے منزل نشاں ہے
نئی صبح ہمیں بھی جان لے گی
خاور کیانی
No comments:
Post a Comment