رنگِ حنا دیدِ پیا ہر اک ادا پہ مر گئے
ہم ایسے سادہ دل کہ ہم پہلی نگہ پہ مر گئے
اے ہجر دھیرج رکھ مِرے ہوئے کو کتنا مارے گا
مدت ہوئی ہم عشق زادے دلربا پہ مر گئے
پاگل نہیں تھے ہجر کو تیرے نبھایا جنہوں نے
پاگل نہیں تھے جو تِری حسن و ادا پہ مر گئے
مرنا مقدر تھا تِرے دیوانے کا سو جانِ من
کیا ہی بُرا تھا جو تِرے عہدِ وفا پہ مر گئے
زنجیر پا ہیں جکڑے ہوئے ہیں شکستہ حال ہیں
ہم زلفِ برہم کے اسیر اک بے وفا پہ مر گئے
افسوس بنتا ہے ہماری سادگی پہ یار! کر
ہم ہیر رانجھا لیلیٰ مجنوں کی کتھا پہ مر گئے
دانیال رند
No comments:
Post a Comment