عارفانہ کلام نعتیہ کلام
ہم سُوئے حشر چلیں گے شہِ ابرارؐ کے ساتھ
قافلہ ہو گا رواں قافلہ سالارﷺ کے ساتھ
رہ گئے منزلِ سِدرہ پہ پہنچ کر جبریلؑ
چل نہیں سکتا فرشتہ تِریؐ رفتار کے ساتھ
یہ تو طیبہ کی محبت کا اثر ہے، ورنہ
کون روتا ہے لپٹ کر در و دیوار کے ساتھ
اے خدا! دی ہے اگر نعتِ نبیﷺ کی توفیق
حسنِ کردار بھی دے لذتِ گفتار کے ساتھ
پُل سے مجھ سا بھی گنہگار گزر جائے گا
ہو گی سرکارؐ کی رحمت جو گنہگار کے ساتھ
رات دن بھیج سلام انﷺ پہ ملائک کی طرح
پڑھ درود انﷺ پہ غلامانِ وفادار کے ساتھ
دیکھ اے معترض نعتِ رسولﷺ عربی
قُرب حساں کو ملا تھا انہی اشعار کے ساتھ
سب عطائیں ہیں خدا کی میرے مولا کے طفیل
ورنہ یہ لطف و کرم مجھ سے گنہگار کے ساتھ
ہم بھی مظہر! سے سنیں گے کوئی نعتِ رنگیں
گر ملاقات ہوئی شاعرِ دربار کے ساتھ
حافظ مظہرالدین مظہر
No comments:
Post a Comment