ماحول کی باتیں کیا کہیے ماحول میں بو بارود کی ہے

 ماحول کی باتیں کیا کہیے ماحول میں بُو بارود کی ہے

کیا یہ کہیے ہر شہر میں اب چل نکلی جو بارود کی ہے

میں تجھ سے دور دبئی میں ہوں پر دل کو دهڑکا دیس کا ہے

یہ دکھ کیا کم ہے دهرتی ماں کہ زد میں تُو بارود کی ہے

جوں سوکهے پهول بکهر جائیں یوں جسم سے اعضا اکهڑ گئے

وہ منظر کاش نہ دیکهے تو، جب چلتی لو بارود کی ہے

احساس کا خون بہاتے ہیں دل دے کر درد جلاتے ہیں

کیا پیار کی ہو گی افزائش ہر فرد میں خُو بارود کی ہے

اک ہاتھ میں امن کا پرچم ہے اک ہاتھ سے موت فروش کریں

ہے دعویٰ دین کے داعی کا، تقسیم ہر سُو بارود کی ہے

احمد جہانگیر داجلی