مری سوچ کا یہ محور مرے شوق کا قرینہ

 عارفانہ کلام حمد نعت منقبت

مِری سوچ کا یہ محور، مِرے شوق کا قرینہ

جہاں سر جُھکے وہ کعبہ، جہاں دل جُھکے وہ مدینہ

مِری اولین تمنّا،۔ مِرا آخری تقاضا

مِری جاں میں جاں ہے جب تک، رہے رُوبرو مدینہ

درِ شاہِ دو سراﷺ پر، کھڑے ہو کر دست بستہ

مِرا ذکر بھی کیا ناں! مِری بات بھی کہی نا

مِری ناؤ کے کِھوَیّا، تِرے لطفِ بے کراں سے

ہوا فاتح طلاطلم،۔ مِرا ڈوبتا سفینہ

کبھی فکرِ روحِ خنداں کبھی ذکرِ زلفِ تاباں

یہ دُرودِ صبح گاہی، وہ وظیفۂ شبینہ

توقیر علی زئی