جلا کر دامنِ ہستی چراغاں کر لیا میں نے
جہاں کو صورتِ آئینہ حیراں کر لیا میں نے
بڑا الجھا ہوا تھا فکرِ دوراں میں دلِ محزوں
اسے بھی آشنائے سوزِ پنہاں کر لیا میں نے
نہ مجھ سا سر بکف پاؤ گے گلزارِ محبت میں
لہو میں ڈوب کر جشنِ بہاراں کر لیا میں
میں شرحِ آرزو کر کے بڑا پچھتا رہا ہوں اب
کہ پَل میں جانِ جاں کو دشمنِ جاں کر لیا میں نے
شبِ دیجور کٹتی ہی نہیں صحرائے وحشت کی
"یہ کس امید پر گھر کو بیاباں کر لیا میں نے"
یہی خونابہ افشانی مظفر اپنی قسمت ہے
چلو اچھا ہوا خود کو غزلخواں کر لیا میں نے
مظفر احمد
No comments:
Post a Comment