شوق آوارگی بھی کیا کیجیے

 شوقِ آوارگی بھی کیا کیجیے

دل کی مانو مگر گھر رہا کیجیے

جتنے بھی دکھ ہوں صاحب ہنسا کیجیے

دل کو اپنے سمندر کیا کیجیے

خامشی کیوں ہے اے دوستانِ سخن

گفتگو کا کوئی سلسلہ کیجیے

آرزوؤں کی تکمیل ہے شوق گر

ڈٹ کے مشکل کا پھر سامنا کیجیے

گردشِ وقت میں پھنس نہ جائیں کہیں

ذہنیت نفرتوں سے جدا کیجیے

صدق کہنے سے تو آفتیں آئیں گی

بات سچ کہنے سے نہ ڈرا کیجیے

شاعری مانگتی ہے خراجِ سکوں

دوستو! اس پہ کچھ تبصرہ کیجیے

دل میں ہو جو وہ چہرے پہ بھی ہو عیاں

زندگی اپنی یوں آئینہ کیجیے

ریاض شاہد