عارفانہ کلام نعتیہ کلام
ارض و سما میں ہر سو جلوہ نما محمدﷺ
شانِ خدا محمدﷺ، نورِ خدا محمدﷺ
کانوں میں پے بہ پے یہ آواز آ رہی ہے
خیر البشر محمدﷺ، خیر الوریٰؐ محمدﷺ
کس حسن کے ہیں جلوے دن رات کے اجالے
شمس الضحیٰ محمدﷺ، بدر الدجیٰ محمدﷺ
راحت فزا ہجومِ غم میں ہے نام ان کا
دار الاماں محمدﷺ، دار الشفا محمدﷺ
عرفانِ زندگی کو، فیضانِ زندگی کو
جود و سخا محمدﷺ، لطف و عطا محمدﷺ
وہ رشکِ انبیاء ہیں، وہ فخرِ اولیاء ہیں
شمعِ ہدا محمدﷺ، نورِ صفا محمدﷺ
اک ورد ہے زباں پر ، دن رات بس یہ عرشی
صلِ علیٰ محمدﷺ، صلِ علیٰ محمدﷺ
عروسہ عرشی
No comments:
Post a Comment