زباں بدلنے لگے،۔ یا بیاں بدلنے لگے
بدلنے والے کو ٹوکو، جہاں بدلنے لگے
سنبھال سکتے نہیں گھر، جہاں سنبھالتے ہیں
زمیں بدل نہیں پائے،۔ زماں بدلنے لگے
میں دیکھتا رہا، دنیا سیاہ ہوتی گئی
میں دیکھتا رہا آتش رُخاں بدلنے لگے
ہم ایسے لوگ جو قرضہ چُکا نہیں سکتے
اُدھار بڑھنے لگا تو دُکاں بدلنے لگے
تمام رات بلاؤں کا رقص تھا انجم
مکین خوف کے مارے مکاں بدلنے لگے
امتیاز انجم
No comments:
Post a Comment