رات بھر انتظار کرتا رہا

 رات بھر انتظار کرتا رہا​

یاد میں بار بار کرتا رہا​

میرا آنگن رہا سدا تاریک​

اس کا روشن دیار کرتا رہا​

نفرتیں دفن کر کے سینے میں​

میں ہمیشہ ہی پیار کرتا رہا

​بے وفائی رہی شعار اس کا​

میں فقط اعتبار کرتا رہا​

چھپ کے دشمن کے بھیس میں وہ رذیل​

دوستوں پر ہی وار کرتا رہا​

میں بچاتا رہا ردائے عشق​

وہ اسے تار تار کرتا رہا​

مجھ کو رسوا زمانے میں عاطف​

میرا اپنا ہی یار کرتا رہا​

عاطف خالد بٹ