سخن جو مرا اب سہارہ ہوا ہے

 سخن جو مِرا اب سہارہ ہوا ہے

سخن کا عجب اک بسیرا ہے مجھ میں 

کوئی بات کہدوں نظم بن کے نکلے

عجب طور سے دُھن غزالوں کی مجھ میں 

عجب اک محبت کی دُھن لے کے نکلے

عجب طور سے اک عجب طرز لے کر 

زباں سے مِری رونما یوں ہے ہوتی

کہ جیسے مجھے ہی زمانے کے غم سب

مجھے چار جانب سے گھیرے ہوئے ہیں

کہ جیسے مِرا آشیانہ جلا ہے 

محبت کی مجھ پر ہی بجلی گری ہے

کہ جیسے فقط میں ہی رسوا ہوا ہوں

کہ جیسے مِرا ہی زمانہ گیا ہے

عجب طور سے اک عجب طرز مجھ میں عیاں یوں ہے ہوتی

مجھے یوں ہے لگتا کہیں دور سے 

اک عجب سی خلش کو محبت ہوئی ہے مِرے ساتھ ایسی

کہ جیسے ہوئی تھی مجھے ایک دل سے

حسیں خوبرو سے، میں ہر روز جس کے لیے ہی تھا جیتا

مجھے یوں ہے لگتا خلش کو بھی ایسی محبت ہوئی ہے

جو دل میں مِرے یہ بسیرا کیے ہے

یہی سوچنے پر میں مجبور ہوں یوں کہ 

جیسے کسی کا گماں تُل گیا ہو بغاوت پہ اس سے

مِرا بھی گماں مجھ سے ایسے کئی طور سے ہی 

سوالوں جوابوں کا مجھ پر اک ملبہ گرائے ہوئے ہے

مِری ضد نہیں تو مرا پیار ہے وہ 

کہانی سنائے یہی جا رہی ہے

عجب سی خلش ہے مجھے بھا رہی ہے

سہانے سہانے کئی خواب مجھ کو دکھا کر 

وہ پھر سے منا یوں رہی ہے

خسارے لیے ہاتھ میں کہہ رہی ہے 

محبت ہے تجھ سے تِری آنکھ سے 

اور تِری اس نظم سے

مجھے فقط اتنا پتہ بس لگا ہے

سخن کا عجب اک بسیرا ہے مجھ میں

مجھے اس جہاں سے اذیت ملی ہے

تبھی تو خلش سے محبت ہوئی ہے

رُکن بن گیا ہوں اذیت کا میں بھی

مجھے بھی خلش سے محبت ہوئی ہے

اگر یوں ہوا ہے ہوا کیوں یہ کیسے

اسی اک حماقت میں اب کٹ رہی ہے

سزا ہے عجب جو مجھے مل رہی ہے

سہولت ختم شد محبت ختم شد ہوئی جا رہی ہے

نظم اک خسارہ لیے آ رہی ہے

مگر کب کسے بھا رہی ہے

نظم کا بھی اب تو شمارہ ہوا ہے 

بڑا بے رحم سا جسارہ ہوا ہے

مطلب مِرا یہ خسارہ ہوا ہے

سخن جو مِرا اب سہارا ہوا ہے

معاذ فرہاد