مری سوچوں پہ دستک دینے والا سامنے ہو گا

 مجھے امید ہے اک روز

مِری سوچوں پہ دستک دینے والا سامنے ہو گا

میرے جذبات کا محور

تلاطم خیز موجوں سا

مِری سوچوں میں اترا تھا

کبھی بھپرا تھا طوفاں سا

کبھی یخ بستہ جھونکا سا

مگر وہ لمس اس کا آج تک محسوس ہوتا ہے

جسے محسوس کر کے میں کنارے پر چلی آئی

مگر یہ بس تصور تھا

جو سوچا تھا ہوا برعکس

مِرے حصے میں بس تنہائیاں اور رنجشیں آئیں

خدا نے بھی عجب رکھا ہے عورت کا یہ دل عشبہ

سبھی دھوکے جفا کاری وہ ہنس کر سہ بھی لیتی ہے

پلٹ آئے اگر دلبر

تو دل کو جوڑ لیتی ہے

وہ اس کی تلخ کامی کج روی بھی جھیل لیتی ہے

عشبہ تعبیر