رات بھر تیری کمی پہلو میں جو سوتی ہے

 رات بھر تیری کمی پہلو میں جو سوتی ہے

نیند ایسے میں مِری پوری بھلا ہوتی ہے

اس کے مرہم کے لگانے کی ادا پہ قرباں

وہ ہرے زخم مِرے آنسوؤں سے دھوتی ہے

جب جڑا تیری انگوٹھی میں تو یہ ہیرا ہوا

ورنہ کیا خاص ہے؟ اک عام سا ہی موتی ہے

اس کو چاہا ہے تو دو باتیں بٹھا لو دل میں

ایک معصوم ہے وہ دوسرا اکلوتی ہے

جس کی تعظیم کرے سارے کا سارا گاؤں

وہ اسی دادا کی اک لاڈلی سی پوتی ہے

زندہ در گور ہوئیں بیٹیاں صدیوں پہلے

ہائے! یہ رسم یہاں اب بھی ادا ہوتی ہے

خوش نہیں وہ بھی بنا تیرے جہاں بھی ہے نشاط

خواب میں بات نہیں کرتی کوئی، روتی ہے

نشاط عبیر