دیوانہ پن اور بے کاری ملتی ہے

 دیوانہ پن اور بے کاری ملتی ہے

عشق میں اکثر ایسی خواری ملتی ہے

لوگ پتہ ہے کیوں اتنے دیوانے ہیں

اک ماڈل سے شکل تمہاری ملتی ہے

کبھی کبھی تو شعر بھی ہونے لگتے ہیں

دل کی چوٹ سے خوش گفتاری ملتی ہے

لائف نہیں ہے بیڈ آف روزز یاد رکھو

رستہ چلتے سو دشواری ملتی ہے

اور کسی سے ملتی ہے وہ شاموں کو

جس لڑکی سے سوچ ہماری ملتی ہے

اس کے ناز اٹھانے کو ہم بیٹھے ہیں

دیکھیے کب یہ ذمے داری ملتی ہے

اچھے رشتے کب ملتے ہیں لڑکوں کے

کس کو نوکری اب سرکاری ملتی ہے

فخر عباس