سینے میں اس کے اک دل درد آشنا تو ہے

 سینے میں اس کے اک دل درد آشنا تو ہے

وہ فلسفی نہیں ہے مگر سوچتا تو ہے

تازہ ہوا سے کہہ دو چلی آئے بے خطر

در بند ہے ضرور دریچہ کھلا تو ہے

قسمت پہ ناز کیوں نہ کروں مدتوں کے بعد

تم سا رہِ حیات میں ساتھی ملا تو ہے

خوابوں کی نرم سیج پہ سوئے نہ ہم کبھی

منزل کی جستجو میں پسینہ بہا تو ہے

بے نور سا اک آئینہ میرے مکان کا

ہر عیب ہر ہنر مِرا پہچانتا تو ہے

اللہ کی کتاب میں سب کچھ لکھا تو ہے

دل باغ باغ کیوں نہ ہو یہ سوچ کر شفق

شہر غزل میں کوئی مِرا ہمنوا تو ہے

شفق تنویر