ہم زندگی کی راہ میں تنہا کہاں رہے
وہ بھی ہمارے ساتھ رہے ہم جہاں رہے
پھِر ہم نے ان سے پُوچھ لِیا تُم کہاں رہے
پھر کیا ہمیں ہُوا کہ ہم بدگُماں رہے
پر کیا کریں کہ دل نے گوارہ نہیں کیا
ہر چند ہم نے چاہا کوئی رازداں رہے
تکمیلِ بندگی بھی کبھی ہو ہی جائے گی
میرا سرِ نیاز تِرا آستاں رہے
فرمان غم بھی چاہیے اس زندگی کے ساتھ
ایسا نہ ہو تو لذّتِ غم پھر کہاں رہے
فرمان ضیائی
No comments:
Post a Comment