Thursday, 19 November 2026

نظر نظر میں غم انتظار کیا کم ہے

 نظر نظر میں غمِ اِنتظار کیا کم ہے

وہ آ رہے ہیں یہی اِعتبار کیا کم ہے

بہار آئے نہ آئے خِزاں تو اپنی ہے

جنوں کو صرف فریبِ بہار کیا کم ہے

گُزر ہی جائیں گی یہ تلخیاں بھی فُرقت کی

دلِ تباہ میں صبر و قرار کیا کم ہے

نہ زندگی سے گِلہ ہے نہ حسرتیں نہ طلب

خُود اپنی ذات پہ یہ اِختیار کیا کم ہے

مسرتوں کو گوارہ کرے میری غیرت

مِرے لیے ستمِ روزگار کیا کم ہے

ہمیں کو اپنے تغافل کا پاسباں سمجھا

تِرے کرم کا یہی ایک وار کیا کم ہے

مجھے نہیں کسی ہمدم کی جُستجُو زیبا

تِرا خیال مِرے غمگُسار کیا کم ہے


عفت زیبا کاکوروی

No comments:

Post a Comment