جن کا دعویٰ تھا کہ لائیں گے وہ آدھا کر کے
وہ بھی لے آئے مرا درد زیادہ کر کے
کل جو آیا تو اداسی کے سوا، آؤں گا
آج لوٹا ہوں سمندر سے یہ وعدہ کر کے
اس کے چہرے سےعیاں تھا کہ اسے جانا تھا
وہ تو آیا تھا، بچھڑنے کا ارادہ کر کے
اپنے پیروں میں، وفاؤں کو کچلنے والے
کیسے پھرتے ہیں وہ سینے یوں کشادہ کر کے
روز جاتا ہوں ذکی، جانبِ نفرت لیکن
لوٹ آتا ہوں ، محبت کا اعادہ کر کے
ذوالفقار ذکی
No comments:
Post a Comment