اک اور شہرِ طلب کی صدا نہیں ہُوا میں
تِرے طلسم سے اب تک رہا نہیں ہوا میں
کوئی ملا ہی نہیں جس سے ناپتا خود کو
سو اپنے قد سے زیادہ بڑا نہیں ہوا میں
تِرے بغیر بھی شاید یہ وقت کٹ جائے
اس احتمال پہ تجھ سے جدا نہیں ہوا میں
مجھےعزیز ہیں میرے اصول سو تجھ سے
لڑا ضرور ہوں لیکن خفا نہیں ہوا میں
اگرچہ اس کی نیابت میں عمر گزری ہے
کرم خدا کا رہا ہے، خدا نہیں ہوا میں
بس اگلے پَل ہی اُٹھا تھا میں جھاڑ کر خود کو
گِرا ضرور تھا, لیکن پڑا نہیں ہوا میں
تمہارا در ابھی رہتا ہے, دیکھیے کیا ہو
کسی کے در پہ تو اب تک کھڑا نہیں ہوا میں
اسد رحمان
No comments:
Post a Comment