اس شہرِ خرابی میں
مشکل ہے بہت جینا
ہے زخم کرونائی
گھائل ہے بہت سینہ
جینے کے بھی اندازے
مرنے کا بھی تخمینہ
جائیں تو کہاں جائیں
رستہ نہ کوئی زینہ
اے جانِ جہاں دل کا دروازہ کھلا رکھنا
پلکوں سے بنا خیمہ
اس خیمے کے گوشے میں
احساس کا گنجینہ
دل جیسا قرنطینہ
خاموشی و تنہائی
دھڑکن کے سوا کیا ہے
دھڑکن بھی تری دھڑکن
مرنا تو یہیں مرنا
جینا تو یہیں جینا
دل جیسا قرنطینہ
اے جانِ جہاں دل کا دروازہ کھلا رکھنا
ہلال نقوی
No comments:
Post a Comment