تجھ پہ کیا خاک اے زمیں ہوتا
ہم نہ ہوتے تو کچھ نہیں ہوتا
نہ یہ دنیا میں شورشیں ہوتیں
اور نہ یہ ذوق آں و ایں ہوتا
زندگی نام ہے تڑپنے کا
جب سکوں ہو سکوں نہیں ہوتا
حشر سو بار رونما ہوتا
دل کو آنکھوں پہ گر یقیں ہوتا
آگے چرچے تھے جن کی باتوں کے
ان کا اب ذکر تک نہیں ہوتا
دل می اگلی سی بات گر ہوتی
حرف ناخواندہ دل نشیں ہوتا
گردشِ چرخ کہہ رہی ہے بشیر
جذب کامل سے کیا نہیں ہوتا
بشیرالنساء بشیر
No comments:
Post a Comment