اِدھر کی تھکن ہے اُدھر تھکن ہے
تھکن میں مِری جاں! تمہارا بدن ہے
فضا کیسی آئی چمن میں بتاؤ
کہ سہما ہوا باغباں یہ چمن ہے
مِری جاں بجھائیں کہ شعلوں میں لپٹا
ہمارا بدن ہے، تمہارا بدن ہے
سنو تم،ِ ستاتی ہیں یادیں تمہاری
مری جاں کلیجے میں اپنے چبھن ہے
چلو مل کے گائیں محبت کے نغمے
حسیں چاند تارا مِری جاں مگن ہے
ہوا میں اڑاؤ نہ رنگین آنچل
کہ مستی میں اپنی یہ پگلی پون ہے
محبت کی باتیں محبت سے کہہ دو
زمیں پر ستاروں کا دلکش ملن ہے
مصطفیٰ دلکش
No comments:
Post a Comment