تِرے خیال کا محور ہے آشیانہ ہمیں
سو اپنی جان سے پیارا ہے یہ ٹھکانہ ہمیں
تِرے وجود کی قربت نہال رکھتی ہے
تِرے خیال کا موسم ہے عاشقانہ ہمیں
ہماری طرح کسی دیس کا پرندہ ہے
سنا رہا ہے کہانی جو عاشقانہ ہمیں
کوئی تو ملنے ملانے کا سلسلہ ٹھہرے
قبول کرنا پڑا ہے یہ آنا جانا ہمیں
تمام عمر گزاریں جیا عقیدت میں
درِ رسولؐ کا مل جائے آستانہ ہمیں
ہمارے ہونٹوں کی لرزش جیا ملول رہی
شدید دُکھ میں پڑا آج مسکرانا ہمیں
جیا قریشی
No comments:
Post a Comment