ترے عارض سے ترے پاؤں تلک ہوتا ہے

 تِرے عارض سے تِرے پاؤں تلک ہوتا ہے

کب فقط کانِ نمک میں ہی نمک ہوتا ہے 

تِرے لب چوم کے منہ شہد سے بھر جاتا ہے

ایسا شیرین کہاں گٗڑ کا گجک ہوتا ہے

ہو نہ ہو پھر تجھے کچھ کام پڑا ہے مجھ سے 

تُو مجھے پیار سے دیکھے تو یہ شک ہوتا ہے

مِرے اس شہر کے ڈھابوں میں ہے درمانِ جہاں

وہی چائے کا پیالہ جو کڑک ہوتا ہے

نقش ہے چہرہ تِرا دل پہ مِرے یوں شہ زاد

جیسے ماتھے پہ سہاگن کے تلک ہوتا ہے

حسین شاہ زاد