طلوعِ اشک طلوعِ ملال تھوڑی ہے
اب ایسے حال میں جینا محال تھوڑی ہے
یہ تارِ فاقہ کشی ہے مہارِ تنگ دستی
تمہاری ریشمی زلفوں کا جال تھوڑی ہے
پرانے زخم مِری جان بھر گئے کب کے
تِرے فراق کا یہ پہلا سال تھوڑی ہے
میں تیرا جان دہندہ ہوں اور زندہ ہوں
کمال میرا ہے تیرا کمال تھوڑی ہے
تجھے رقیب کا غم ہے رقیب کو تیرا
ہمارے سر پہ یہی اک وبال تھوڑی ہے
بنا ہوا ہے سراپا جواب تُو، لیکن
ہمارے ہونٹوں پہ کوئی سوال تھوڑی ہے
ادب کے ساتھ خمیدہ سری کو وجد میں لا
سرائے عشق ہے جائے دھمال تھوڑی ہے
احمد شہباز
No comments:
Post a Comment