اہل جہاں کے بیچ میں اپنی انا تراش

 اہلِ جہاں کے بیچ میں اپنی انا تراش

دستِ ہنر سے اپنے نیا نا خدا تراش

ہے درمیان اپنے مسافت بہت طویل

تدبیر کر جدید کوئی راستہ تراش

ایمان رب سے مانگ ہنر علم حلم بھی

امن و امان و صدق و صفا و سخا تراش

ظاہر تراشنا تو پرانا ہے فن میاں

جدت کا ہے تقاضا کہ باطن ذرا تراش

گرداب سے نکلنے کی تدبیر کچھ تو کر

ہمت سے کام لے کے فقط حوصلہ تراش

آلام درد،۔ آہ و ،۔سب ملا کے رکھ

اترے دلوں کے وسط میں ایسی صدا تراش

تحریر تو قدیم زمانے کی بات ہے

قرطاسِ زندگی پہ کوئی فیصلہ تراش

خاصہ ہو یہ تِرا کہ زمانہ ہو معترف

اپنا سخن زمانے سے تھوڑا جدا تراش

انداز منفرد ہو غزالی! میاں تِرا

ایسی الگ جہان سے اپنی ادا تراش

امجد کلیم غزالی